الله ما أحلى البيت ؟
يووووووووووو محلى رمضان في البيت أول مرة أحس بحلاوته
جُناااااااااااااااان تجلسي مستتة لا هم مدرسة ولا هم جامعة تقومي وتنامي ويا سلام سلم ..
قلت اشتري راسي وارتاح من الهرم خخخخخخ بس ما بش فايدة قدهي طبيعة غااااوية تعب
المهم جت فرصة عمل لازم مقابلة شخصية وما اناش دارية ليش تجي في رمضان ؟!!!!
خواتم وروحانية وجو من حق الجنة ....
يلا ما كان كان يا أمول جربي ..
فكرت شوية ؟!!!
مممممممممممممممممممممممم
أووووووف قدنا فارحة أول رمضان يجي وما بش فيه هم ...
يووووووو أمول جربي ^_^
يلا ما كان كان نجرررررررررب .. وما بش أحلى من التجربة خخخخخخخ
من البداية ما بش باص طبعا رمضان والناس يا فرحتهم يرقدوا... رمضاااااااااان ؟؟!!
مش مشكلة محد بياكلها بالساهل ..^_^
طلعنا الباص أوووووووووف ما هو هذا ؟
مالهم كل واحد قالب صورة ؟
رمضاااااااااااااااااااان شي طبيعي ؟!!!
ماااااااالهم على رمضان ؟
يلا مشتى شكلهم جاوعين وعاد المعدة ما قد استوعبتش !!^_*
ههههههههههه من بداية رمضان وعادهيه ؟
ويحين عتستوعب لما يجي العيد ؟!هههههه
يلا اليوم ما يبشرش هههههههههه قد كنت في البيت أهئ أهئ أهئ
يلا ما كان كان ..
نزلنا من الباص الأول عاد المشوار طويل هههههههههههههههههه
تنزل على شوية شقاة من حق الستين الله يهديهم
يماااااااااااااااااااااااااااااااه تنسى إنهو رمضان !!!!
يلا ما كان كان طلعنا الباص الثاني أوووووووف الحمدلله نسوان خيرات , على الأقل ملثمات ما شبسرش القزازة والقلبات حق رمضان على قولتهم ؟!
بعدا مرتاحة دخلت الديوان حق الباص على قولهم فسح وبرح ويتمدد الواحد وهو داغز ريش !!!
يلا مالنا شي ثنتين كانين مديم وانا اسمول يعني الأمور تمشي يااااااااااااااسلام *_*
لكن هو الديوان لازم يمتلي .. وقف الباص ووقف قلبي معه ...
يووووووووو ما يشتي هذا؟ وين عيطلعها ؟
ما شاء الله تبارك الله على مرة ساعي اربع مرات ..^_*
وين عيحطها ؟
لازم نخرج كلنا من الديوان علاسب تدخل ما منهاش ...ولو فسحنا المداكي ...
ما شاء الله تبارك الله أكس أكس أكس لارج حجم عائلي أكيد!!!
مشي من اليمن ما أظنش !
معروفين في اليمن مقاساتهم سمول ومديم ولا حبكت لارج ^_^
واكس لارج هذه معدومة شوية ما تلقوها إلا في المناسبات ..
يعوووووو والفعلة وين عتسير هذه ؟
قدهو يوم من أوله اللهم أني صاااااااااائم...~_~
يلا ما يصلحش اقربي يا أمول شوية ما يوقعش هكذا ...
والمشكلة اني بنبسر البقعة الفاضية وأقايس المرة *~*والمعادلة ما رضيتش تسبر....
ما شاء الله دخلت بعد جهد جهيد...
لكن الدور على الفقيرة الى الله ما وقع بها هي دخلت من هانا وأنا اختفيت من هانا ~_~
مدري شكيت قلت يمكن.. ما ابسرتنيش يمكن !!!
أقلكم الصدق تخيلت أفلام الكرتون لما ينفعصوا أهئ أهئ ورحمتهم الصدق ما اناش دارية أنهو شعورهم هكذا
يووووووووووووووووووووووو شاطفح ..
يا سعم أنهي حسية اطفحي ما افعلش هههههههههههههههههههههههه
قدهو على رأي المثل إذا لم تكن ذئبا أكلتك الذئاب يا سعم أني ذئبة ههههههههههه
عفوا بفجيعة طبعا ....لو سمحتي شويييييييييييية ...
استوت لاعندي افتجعت يمااااااااااااااااااااااااااااه
ايش اعملك اخرق من الطاغة ؟؟؟؟!!!!!
هههههههههههههههههه طلعت يمنية بس من إينه أكيد مولدة مستحيل .. معروفين اليمنيين
حطيت لساني في فمي وشهدت وهللت
يلا ما كان كان أجرررررررررررررر رمضان اتحملي يا أمل شوية... قالوا ما صبر إلا على العسر ..
أهئ أهيء ما اتحمل شاااااااااااااااااااااااااطفح ...
والله لو تزيد تتحرك شوية لا تزحوقني زحوقة تخيلو بعدين مع الحامضة والسمبوسة حق الفطور....
قدنا في البيت قلك مقابلة قلك طلي هيا ما وقع لنا غير الفحس والزحوقة ههههههههههههههه
ياااااااااااااااارب أشتي أنزل...
واسكه ما ينزلني قدهي سديه كل المنافس حتى الهواء من الطاقة ما عد بيدخلش...
يوووووووووووووووووو شاطفح ما بش اكسجين ....
قلك ديوااااااااان ؟!
كرهت حاجة اسمها ديوان قدنا معقدة ولا عاد اشتي اسمع هذه الكلمة ...
في موقفنا قدهو حنبة مش ديوان ..
اللي جنبي مزنوقات لكن مش مثلي ..
أهئ أهئ جالسة فوقي مشي اسفة ولا كأن به مخلوقة جنبها هههههههههه عفوا تحتها ~_~
اسكه عفوا يا بنات فكين الطاقة ... شااااااااااااطفح أهئ أهئ
هن فكنها من هانا والمرة فك لسانها من هانا غفليها أنا مريضة ...
أهئ أهئ وأنا شاموت شاطفح ...
يعووووووووووو والودافة !!!!!
قلك مريضة ماشاء الله تبارك الله ..
عيني وقلبي ملااااااان المرض ما صداه يقرب منها..
الصدق الصدق ما قد ابسرتش في حياتي ساعها طول وعرض ولسان ...
تبارك الله يعني ماشاء الله كااااااااااملة مكملة حسبي الله ونعم الوكيل اللهم أني صائم...
لكن ما أفعل شاطفح ..
ما معي الا ادعي الله تخرج قبل ما تخرج روحي ..
يااااااااااااااااارب
على قنب
يماااااااااااااااااااااااااااااااااااااااااااااااااااااه أخيرررررررررررررررررررررررررررررا
أحلى كلمة سمعتها في حياتي
على قنب ? على قنب ? على قنب ?
قدنا اشتي أغنيها بس يلا لما تخرج أول قبل ما تخرج روحي
أاوووووووووووووووووووووف خرجت بعد جهد جهيد
بس هي خرجت من هانا والهواء دخل من هانا ما اناش مصدقة ...
يووووووووووووو يوووووووو يوووووووووو ما أحلى الهوا..
يووووووووووووووووووووووووووووووووووو حسيت بنعمة الأكسجين ما كنتش أتلوه لها صدق ما يحس الواحد بقدر الحاجة إلا لما يفقدها الحمدلله من صدق على النعمة
يلا الحمدلله خرجت قبل ما تسبب خسائر في الأرواح ههههههههههههههههههههه
لكن مه مررررررررررررررررررررة خرجت بتعفط ولا أبو شهاب في باب الحارة ههههههههههه الله يرحمه مه قد موتوه صح ؟؟؟
مكنت السواق مية بمخايات نفس ومراعية للباقي ...والسواق مبلووووووووووووووووود أول مرة أبسر سواق بيدي الحساب لحد بهذه السرعة باقي شوية ويديلها بدل المية اللي ادتها ميتين ...
قدهو مبلود لا قلتو مبلود ما عنده حجة قد اللي في الباص مباليد من شق بس سبحان الله محدش اتهور عليها على العيفطة حقها.. يا انها محصنة نفسها والا أنهم مفتجعين تفعل بهم شي كما والصدق يقال بهراره منها تفجعك وتخليك صااااااايم سكته ما تحطش منطق على قوله سعيد صالح في مدرسة المشاغبين هههههههههههههههههههههههه
اووووووووووووووووووووووووووووووووف الحمدلله رجعت بقعتي لكن يماااااااااااااااااه وين ارجلي ؟
أنا ما بنحسش حاااااااااااااجة ..
ما غلطتش وشلتهن معاها !! على العفاطة حقها يخرج منها مشي اسفة هههههههههههههههه
اووووووووووف الحمدلله عادهن موجودات بس ليش ما بنحسهنش ..
أهئ أهئ قد قووووووووووا لهن حن عادهن سليمات بعد الموتر اللي طلع فوقهن
بدأ الحكا ما ذلحين فتحو افمامهم يو على قد مرة آآآآآآآآآآفة فجعتني وهكذا وذوليك النسوان هااااااات ما حكا وبدأ مشوار هدار الباص ..
وين عتسيري ؟
بتقررررررري ؟
ياسعم ماقد عطلوش ؟
والا موظفة
يووووووووووووووووووووووووووووووووووووووووووف
هيا من هذا !!9(?????)?
كرهن وقعتلهن قدنا فارحة نسوان وما بتحاكنيش كيف لوما ؟
وأنهو بس كان مقطوع عنهن الأكسجين بمجرد ما رجع الأكسجين رجعت الأمور لطبيعتها..
اللهم أني صااااااااااائم مشتو كلهم ذلحين عادي شاشغل الطرشى متعودة..
بس أنا في أرجلي كيف شانزل قدهن على قولة زيدو بيوشين هههههههههه بعدا وشيش بدين وذمة ..
أهئ أهئ أشتي ارجع البيت يعوووووووووو والودافة ..
المشكلة قد برستيجي اتخررررررررررررب للطرف بعد الفعلة اللي جلست جنبي عفوا فوقي..
ما عادهيه من مقابلة هذه.. يلا ما كان كان قدش في الوسط وعسى أن تكرهوا شيئا وهو خير لكم
هههههههههههههههههههه المهم عدا اليوم لكن بعد مه والله ما شانساه عمري يوم في رمضان برمضان كله
يا عالم عد معي اجر أو ماشي ممممممممممممممممممممممممممممممممممممم 9(?????)?
ليست هناك تعليقات:
إرسال تعليق